今朝車頂忽然間腦中搖出涯姐公來。涯姐公姓朱，人人喊佢花名勞拷。涯做細人時佢開雜貨店在邦戛古打路个十字路口，店名安著金島。涯常時騎腳踏車聽在佢店面望著佢金金个手錶櫃。涯姐公就笑笑問「大肥，汝無幫汝爸爸掌店啊？」，「轉了」，涯應佢。「公, 分涯鐳買糖粒好嘛」，涯姐公就弄50鈍分涯。「感謝姐公」涯就遽遽騎腳踏車轉去。好講每日涯都來來去去姐公个店討零錢討到大😂

到涯讀中學十幾歲涯牙齒好講阻周了。涯姐公提出講愛帶涯去山口洋看牙科。就無幾日有做公車去山口洋挷牙補牙。最好係有雞飯好食😂
好在有涯姐公看顧涯喔。無時今晡日涯一粒牙齒都無了😂

當然涯姐公留分涯个記憶毋單淨這，但係這係算最甜蜜了😂 使涯曉感著佢老人家對孫子个疼惜。感謝涯姐公。祝姐公在天頂安眠。

可為 2017.12.27