客家諺語 | Hakka ngien ngi

客家諺語 | Hakka ngien ngi
________________________________
阿聖 ：唉……頭痛啊！
阿良 ：阿聖！為到麼介事情恁頭痛？
阿聖 ：唉！無米兼潤月啊！頭痛啊！！
阿良 ：講來聽下？無定著涯曉幫汝勒！
阿聖 ：唉！就係該往涯為到愛省一滴鐳，就去買人畜死介豬仔來賣，恁樣較賺有錢啦！
阿良 ： 汝係講病死豬……？
　　　 唉喔！汝樣恁絕代諾？好得涯無出事情！
阿聖 ：涯這下分人告到法院去勒！汝就莫緊念涯啦！涯也係為到生活啊！
阿良 ：汝喔……河邊洗黃連啦！知知毋做得介事情還愛去做。
阿聖 ：…啊…正經頭痛啊！
阿良 ：阿公唔做，做人介孫！生理係加減做加減賺介，汝自家又愛著蓑衣來救火，恁冤枉做麼介？
阿聖 ：汝正經毋愛睬涯喔！
阿良 ：涯係泥伯公過河，自家老婆都吂轉來勒！無恁大神氣睬汝啦！
阿聖 ：唉…求人毋當求自家，下擺毋敢勒，頭痛啊！
_____________________
a sin   : ai.... theu thung ah
a liong : a sin! bui to makkai si chin an theu thung?
a sin   : ai mo mi khiam jun nyiat ah?  theu thung ah!
a liong : kong loi thang ha? mo thin chok ngai hiau pong nyi le!
a sin   : ai! chiu he kai pong ngai bui to oi sang jit tit lui, chiu hi mai hiuk si kai cu loi mai, an nyong ko chon jiu lui la!
a liong : nyi he kong phiang si cu...?
a liong : ai yo! nyi an nyong chiat thoi nok? ho tet ngai mo chut si chin!
a sin   : ngai li ha pun nyin kau teu fap jan hi le! nyi mok kin nyiam ngai la! ngai ja he bui to senfat ah!
a liong : nyi oh! ho pian se bon lian la! ti ti ng co tet kai si chin han oi hi co.
a sin   : ah... cin kin theu thung ah!
a liong : a kung ng co, nyi co se sun! sen li he ka kam co ka kam chon kai, nyi chitka jiu oi cok so ji loi kiu fo, an jan bong co mai?
a sin   : nyi cin kin ngmoi choi ngai oh!
a liong : ngai he nai pak kung ko ho, chitka kai lo pho mang con loi le! mo an thai sin hi choi nyi la!
a liong : ai... khiu nyin ng tong khiu chit ka, ha pai ng kam le, theu thung ah!